மணவாட்டி சபையாகிய நாம் சபைகூடி கர்த்தருக்கு நம்மை முழுமையும் காணிக்கையாக ஒப்புக்கொடுத்து அ�-Sis. பி. கிறிஸ்டோபர் வாசினி-Feb 13, 2021

தேவனுக்கே மகிமையுண்டாவதாக

1 சாமுவேல் 16: 13

அப்பொழுது சாமுவேல்: தைலக்கொம்பை எடுத்து, அவனை அவன் சகோதரர் நடுவிலே அபிஷேகம்பண்ணினான்; அந்நாள்முதற்கொண்டு, கர்த்தருடைய ஆவியானவர் தாவீதின்மேல் வந்து இறங்கியிருந்தார்; சாமுவேல் எழுந்து ராமாவுக்குப் போய்விட்டான்.

கர்த்தராகிய இயேசு கிறிஸ்துவின் கிருபை உங்களனைவரோடுங் கூட இருப்பதாக, ஆமென். அல்லேலுயா.

மணவாட்டி சபையாகிய நாம் சபைகூடி கர்த்தருக்கு நம்மை முழுமையும் காணிக்கையாக ஒப்புக்கொடுத்து அபிஷேகம் பெற்றுக்கொள்ள வேண்டும்

கிறிஸ்துவுக்குள் பிரியமானவர்களே, கழிந்த நாளில் நாம் தியானித்த வேதப்பகுதியில், மணவாட்டி சபை, கட்டாயமாக அனுதினம் கூடி வரும்படி தேவன் இஸ்ரவேல் புத்திரரை வைத்து திருஷ்டாந்தபடுத்தி கூறுகிறதை நாம் தியானிததோம். அதுமட்டுமல்லாமல் வாசஸ்தலம் பரிசுத்த ஆவியானவராகவும், பலிபீடம் கிறிஸ்துவும், நாம் யாவரும் கிறிஸ்துவின் கீழ் கர்த்தரை பரிசுத்த ஆவியில் நிறைந்து சபையாக கூடி மகிமைப்படுத்தி ஆராதனை செலுத்தவேண்டும் என்றும் தியானித்தோம்.

அடுத்தபடியாக நாம் தியானிப்பது என்னவென்றால்

எண்ணாகமம் 7:10-83

பலிபீடம் அபிஷேகம்பண்ணப்பட்ட நாளிலே, பிரபுக்கள் அதின் பிரதிஷ்டைக்காகக் காணிக்கைகளைச் செலுத்தி, பலிபீடத்துக்கு முன்பாகத் தங்கள் காணிக்கைகளைக் கொண்டுவந்தார்கள்.

அப்பொழுது கர்த்தர் மோசேயை நோக்கி: பலிபீடத்தின் பிரதிஷ்டைக்காக, ஒவ்வொரு பிரபுவும் தன்தன் நாளில் தன்தன் காணிக்கையைச் செலுத்தக்கடவன் என்றார்.

அப்படியே முதலாம் நாளில் தன் காணிக்கையைச் செலுத்தினவன் யூதா கோத்திரத்தானாகிய அம்மினதாபின் குமாரன் நகசோன்.

அவன் காணிக்கையாவது: போஜனபலியாகப் படைக்கும்பொருட்டு எண்ணெயிலே பிசைந்த மெல்லிய மாவினால் நிறைந்ததும், பரிசுத்த ஸ்தலத்தின் சேக்கல் கணக்காக நூற்றுமுப்பது சேக்கல் நிறையுள்ளதுமான ஒரு வெள்ளித்தாலமும், எழுபது சேக்கல் நிறையுள்ள ஒரு வெள்ளிக்கலமும் ஆகிய இவ்விரண்டும்,

தூபவர்க்கம் நிறைந்த பத்துச்சேக்கல் நிறையுள்ள பொன்னினால் செய்த ஒரு தூபகரண்டியும்,

சர்வாங்க தகனபலியாக ஒரு காளையும், ஒரு ஆட்டுக்கடாவும், ஒருவயதான ஒரு ஆட்டுக்குட்டியும்,